"İradə İbrahimovanın dedikləri yalandır"

Müğənni İradə İbrahimova canlı yayımda klarnet ifaçısı Hüseyn Məhəmmədoğluna başsağlığı verib, anasını itirdiyini deyib.

Axşam.az-ın məlumatına görə, H.Məhəmmədoğlu “Onlar”a açıqlamasında sənətçinin bu xəbərinin yalan olduğunu bildirib:

“Evdə oturmuşdum, telefonuma nə qədər zənglər gəlirdi, hamı başsağlığı verirdi. Mənim anam dünyasını dəyişsə, efirlərdə görünmərəm. İradə İbrahimovanın dedikləri yalandır. Yəqin ona da yanlış məlumat veriblər. Onun efirdəki başsağlığından sonra Bakı kəndlərindən anamgilə gedən insanlar da olub”.

Şəxsi həyatından danışan klarnet ifaçısı İnstaqram səhifəsində heç bir xanımı qəbul etmədiyini bildirib:

“Xanım dostlarımın hamısını silmişəm. Bu qadağa yox, xanımıma olan hörmətdən irəli gəlir. Kişiyə qadağa ola bilməz. Onun dediyi söz qanundur”.