"Mənə etimad göstəriblər" - Anar Nəcəfli

Tanınmış jurnalist Anar Nəcəfli “Azəryolservis” ASC-nin Mətbuat Katibliyinin rəisi vəzifəsinə təyin olunması ilə bağlı danışıb. 

Axşam.az-ın əməkdaşı ilə söhbətində o, artıq yeni işinin icrasına başladığını bildirib: 

“Qurumdan mənə təklif gəldi. Dedilər, etirazınız yoxdursa, sizi bu vəzifəyə təyin etmək istəyirik. Mən də təklifi qəbul etdim. Mənə etimad göstəriblər. Çalışacam bu etimadı doğruldum. Artıq bu gündən işdəyəm. Hazırda ilkin tanışlıq gedir”. 

A.Nəcəfli bundan sonra hər hansı televiziya layihəsində yer almayacağını və aparıcısı olduğu “Səninləyəm, Azərbaycan” verilişinin yayımını dayandırdığını bildirib: 

“İnanmıram ki, bundan sonra hansısa bir veriliş aparım, yaxud filmə çəkilim. Çünki işlər çoxdur. Layihə hazırda dayandırılıb. Ola bilər, daha sonra kiminsə aparıcılığı ilə yenidən efirə getsin”. 

Qeyd edək ki, “Səninləyəm, Azərbaycan” ATV kanalında yayımlanırdı. Anar Nəcəfli bu yaxınlarda təqdim olunan “Biznesmen” filmində də rol alıb.