Tahir İmanov nazirdən danışdı - KVN teatrının məşqlərindən eksklüziv görüntülər

“Planet “Parni iz Baku” KVN-teatrının Heydər Əliyev Sarayında gözlənilən konsertinə artıq bir həftədən də az vaxt qalıb və məşqlər get-gedə intensivləşır. Sirr deyil ki, tamaşaçılar tərəfindən ən çox gözlənilən səhnəcik “Milli Məclis-2” səhnəciyi olacaq və hamıya maraqlıdır ki, teatrın bədii rəhbərı Azərbaycan Respublikasının əməkdar artisti Tahir İmanov bu dəfə komandası ilə hansı millət vəkillərini parodiya edəcək?

- Xatırlayırsınızsa, KVN teatrında Milli Məclis birinci dəfə 1996-cı ildə təqdim olunmuşdu. Və bu səhnəciyi seyr edənlər arasında Ümumilli lider Heydər Əliyev də var idi. Indi biz sadacə, olaraq bu mövzuya yenidən qayıtdıq. İnandırım sizi,  bu il göstərəcəyimiz səhnə hec də kecən il baxdığınızdan pis deyil. Siz özünüz də məşqlər zamanı bunun şahidi oldunuz. O ki qaldı məmurlara, əlbəttə ki, onlar özləri mənə irad bildirmirlər. Sadəcə, telefon vasitəsi ilə başqaları tərəfindən zənglər olunur ki, bu da işimizi cətinləşdirir. Ancaq nə yaxşı ki, bütün məmurlar belə deyil. Onların arasında bizim işimizi dəstəkləyən və onlara olan parodiyalara loyal yanaşan insanlar da var.

- Məsələn?

- Misal ücün elə onlardan biri Xarici İşlər naziri Elmar Məmmədyarovdur. O hətta bir dəfə zarafatyana mənə dedi ki, onu parodiya etməsək, konsertmizə gəlməyəcək. Və bu da əlbəttə ki, alqışa layiq olan bir yanaşmadır. Bəzi polis məmurları isə deyirlər ki, polis, ümümiyyətlə, tənqid ya da parodiya mövzusu deyil! Yenə deyirəm, söhbət, əlbəttə ki, bütün polislərdən, bütün məmurlardan getmir... Lakin biz bunu etmişik, edirik və edəcəyik! Heç bir yanlış quvvə bizi bu yoldan çəkindirə bilməz.

- Niyə cəmi iki gün konsert verirsiniz? Axı siz dörd gün də ardıcıl konsert versəniz, tamaçacı sarıdan, məncə, probleminiz olmaz. Bu, maddi tərəfdən də əlverişli olar.

- Bilirsiniz, sağ olsun bizim dövlətimiz ki, hazırda “Parni iz Baku” komandasının keçmiş üzvlərindən heç biri maddi problem yaşamır və hər zaman dövlətdən qayğı görürlər. Mənim ücün əsas keyfiyyətdir. Bir konsert olsun, amma yaxşı olsun, əla keçsin. Biz heç zamam maddi tərəfi düşünmürük, cünkü bu konsertlər sadəcə, bizim üçün bir hobbidir. Maddiyatı düşünənlər 20-30 konsert versinlər, bizə bu lazım deyil...