"Toy 2"nin qala gecəsi oldu - fotolar

 

Rejissorluğunu Həsən Əliyevin etdiyi “Toy 2” filminin qala gecəsi baş tutub.

Axşam.az-ın məlumatına görə, Nizami Kino Mərkəzində keçirilən gecədə filmin yaradıcı heyəti və tanınmışlar iştirak edib.

Mərasimdə çıxış edən rejissor H.Əliyev ekran işi ilə bağlı xəbər verib:

“Bu, “Toy” filminin paralelidir. İnanıram ki, “Toy 2” də uğurlu olacaq. Həyəcanlı deyiləm. Hər tənqidə hazıram. Kim gülnən, kim pomidorla gəlib onu sonra biləcəyik. Çəkilişlərinə noyabrda başladıq. Biz rəqabətə hazırıq. Bütün arzularım yerinə yetdi. Həmişə aktyor Anar Xəlilovu qoca görmək istəyirdim. Bu filmdə onu tanıya bilməyəcəksiniz. Ekran işində özüm çəkilməmişəm. Əgər rol alsaydım, gərək axırda öləydim. Heç vaxt özümə aktyor deməmişəm, bu mənlik deyil”.

Filmdə aktyorlar Anar Xəlilov, Edqar İsayev, Adil Zeynalov, Asya Abdullayeva, Qoşqar Mövludzadə, Mətanət Eres, Samirə Cavanşir və başqaları rol alıb.